“Наполи” хўжайини жамоанинг янги мақсади ҳақида гапирди
Клуб муддатидан аввал Италия чемпионлигини қўлга киритганди.
“Наполи” хўжайини Аурелио Де Лаурентис Чемпионлар лигаси ўйинларидаги ҳакамликни танқид қилди.
“Энди биз Чемпионлар лигасида ғалаба қозонишимиз керак. Чунки бу мавсумда биз Чемпионлар лигасининг энг кучли жамоаси бўлдик деб ўйлайман. Ва фақат иккала учрашувда ҳам ёмон ҳакамлик туфайли биз турнирни тарк этдик. Лекин бу футбол. Бу UEFА. Шунинг учун биз кейинги мавсумда ва ҳатто кейинги йилларда ҳам яна уриниб кўрамиз”, – дея Де Лаурентиснинг сўзларидан “Ла Газзетта делло Спорт” нашри хабар берди.
Эслатиб ўтамиз, А Cериянинг 33-туридан ўрин олган “Наполи” – “Удинезе” учрашувида 1:1 ҳисобидаги дуранг қайд этилганди. Бу натижа Лучано Спалетти жамоасига ўз тарихида учинчи марта муддатидан аввал чемпионликни қўлга киритиши учун етарли бўлди.
