“Челси” яқин кунларда муҳим қарорни қабул қилади
Жамоага янги бош мураббий тайинланиши кутилмоқда.
Лондоннинг “Челси” жамоаси бош мураббийлик учун номзодлик масаласини шу ҳафтада ҳал қилишни режалаштирмоқда. Бу ҳақда “Тhe Atletic” нашри хабар берди.
Маълумотларга кўра, янги бош мураббий бўйича якуний қарор яқин кунларда қабул қилинади. “Челси” бош мураббийи лавозимини эгаллаш учун танланган мутахассис ёзгача Френк Лемпард бошчилигидаги ҳозирги мураббийлар штаби билан ишлайди. “Тоттенҳем” ва “ПСЖ” клубларининг собиқ бош мураббийи Маурисио Почеттино жамоа бош мураббийлиги учун курашда асосий фаворит бўлиб қолмоқда.
Эслатиб ўтамиз, “Челси” жорий мавсум давомида икки марта бош мураббийни истеъфога чиқарди. Томас Тухел кузда, Грем Поттер эса баҳорда ишсиз қолди. “Кўклар”ни ҳозир Лемпард бошқармоқда.
