Месси “Ал-Ҳилол”нинг таклифини қабул қилди
Унинг яна икки собиқ жамоадоши Саудия жамоасига ўтиши мумкин.
“ПСЖ” клубининг аргентиналик ҳужумчиси Лионел Мессини трансфер қиладиган Саудия Арабистони чемпионати клуби малум бўлди. Бу ҳақда “Эл Чирингуито” нашри хабар бермоқда.
Манбага кўра, аргентиналик футболчи “Ал-Ҳилол” жамоаси таклифини қабул қилган. Шунингдек, ушбу Саудия клуби таркибини Мессининг “Барселона”даги икки собиқ жамоадоши: ярим ҳимоячи Серхио Бускетс ва ҳимоячи Хорди Алба билан тўлдириши керак. Ярим ҳимоячи Саудия клуби билан икки йиллик шартнома имзолайди, ҳимоячи эса каталонияликлар билан яна бир мавсумга амал қиладиган шартномани бузиш бўйича музокараларни бошлайди.
Аввалроқ, Саудия Арабистони раҳбарияти маҳаллий чемпионатга кўпроқ европалик футбол юлдузларини таклиф этиш ниятида экани хабар қилинганди. Миш-мишларга кўра, Месси “Ал-Ҳилол”да йилига 400 миллион евро ишлаб олади.
