Месси “ПСЖ” машғулотларига қайтди
Унинг жамоада қолиш-қолмаслиги ҳали ҳам ноаниқлигича қолмоқда.
“ПСЖ” ҳужумчиси Лионел Месси асосий таркиб билан машғулотларга қайтди. Бу ҳақда Париж клуби матбуот хизмати хабар берди.
Эслатиб ўтамиз, Месси ўтган ҳафта спорт раҳбарияти ва жамоа мураббийлар штаби рухсатисиз Саудия Арабистонига учиб кетгани учун икки ҳафтага “ПСЖ” билан машғулотлар ва ўйинлардан четлаштирилган эди. Аргентиналик ўтган душанба куни араб давлатларидан бирига учиб кетганди.
Бир неча кун олдин Месси ўзининг ижтимоий тармоқларида ўзининг Саудия Арабистонидаги туризм элчиси бўлган шартнома мажбуриятларини бажараётганини айтиб, ўз қилмиши учун узр сўраган видеони жойлаштирганди.
