Мессининг “Барса”га қайтмаслиги ойдинлашмоқда

 

“ПСЖ” ва Мессининг атрофидаги гаплар яқин вақтлар ичида бутун омманинг диққат-марказида бўлиб турибди. Сўнгги вақтларда эълон қилинган хабарларга кўра, футболчи ва клубнинг ажрашиши аниқ бўлиб кўринмоқда. Саудия Арабистонига сафари Мессининг Париж клуби томонидан жазоланиши билан якунланди. Марко Кирдемир - FIFА агенти, Ал-Хелайфи ва Саудия Арабистони қироли билан яхши муносабатда бўлиб, аргентиналик футболчининг келажагини муҳокама қилмоқда.

 

Кирдемир “Барселона” варианти бекор қилинганини тан олди: “У “Барселона”га бормайди. У клубга нафақага чиққанида қайтишни хоҳлайди”.

 

“ПСЖ”да ҳам шартномани узайтириш борасида ҳеч қандай гап-сўз бўлгани йўқ.  Шу эҳтимол билан Месси Саудия Арабистонига йўл олмоқчи: “Мамлакатнинг қироллик жамоаси “Ал Ҳилол”дан 600 миллион доллар таклиф бор”, - дейди Кирдемир. Месси жамоа билан танишиш, яшаши мумкин бўлган жойни кўриш учун ушбу мамлакатга борди; оиласи рози бўлса  Месси Саудия Арабистонида ўйнайди”.

 

Бир неча ой олдин Марко Мадридга Месси билан жуда муҳим учрашув ўтказиш учун борганди: “Биз меҳмонхонада Саудия Арабистони федерацияси делегатлари билан учрашдик ва футболчи ҳақида гаплашдик”.

 

Шу тариқа Мессининг Саудия Арабистонига келиши Париж клуби билан айрим қарама-қаршиликка сабаб бўлди. Шундан сўнг у “ПСЖ”дан узр сўрашга мажбур бўлди.

 

Ал-Хелайфи фақат Мессидан жаҳли чиқмаяпти. Ўша куни тушдан кейин Париж клубининг юзлаб мухлислари аргентиналик футболчининг ҳаракатларидан норозилигини билдирди.

 

Саудия давлати аниқ мақсад билан дунёнинг энг яхши лигасини яратишга аҳд қилган. Улар орасига 2030 йилги жаҳон чемпионатига мезбонлик қилиш ҳам киради. Лео Месси саудияликларнинг пулларидан таъсирланган ягона футболчи эмас. Кирдемир Серхио Рамосга ҳам шундай таклиф келишини тасдиқлади. Айни пайтда у Лука Модрич таклиф олганини, лекин уни рад этганини маълум қилмоқда.