Мюллер фаолиятини якунлашга яқинми?
Томас Тухел футболчининг захирада қолиб кетаётгани ҳақида гапирди.
“Бавария” бош мураббийи Томас Тухел нима учун кўпроқ ярим ҳимоячи Томас Мюллерни захира ўриндиғида қолдирмоқда, у фаолиятини якунлаш учун шу тарзда тайёрлаяптими, деган саволга жавоб берди.
“Нега Мюллер ҳақида саволлар борлигини тушунаман. Томаснинг профессионал тарзда ҳаракат қилиши, машғулотлари, жамоага катта таъсир кўрсатади. У белидаги муаммо туфайли “Герта”га қарши ўйинда қатнашмади. Сўнгги ўйинда биз ўша ўйинчиларни сақлаб қолишга қарор қилдик, чунки Гнабри гол урди ва Муциала жуда яхши ҳаракат қилди. Қаттиқ қарорлар керак, акс ҳолда биз мақсадларимизга эриша олмаймиз. Айтишим мумкин бўлган нарса шу. Мен унинг карерасини тугатишни бошладимми? Бу ҳақиқатдан бироз узоқроқ. Сиз ҳурматни сақлашингиз керак. Мен Томасни жуда ҳурмат қиламан. Захира ўриндиғида ҳам яхши ўйинчилар бор. Баъзида бундай қарорлар қабул қилинишига барчамиз кўникишимиз керак”, — дея Тухелнинг сўзларидан клуб расмий сайти иқтибос келтирди.
