“Реал”нинг имкониятини юқори баҳолай олмайман”
Руни “Манчестер Сити”нинг “Реал”га қарши Чемпионлар лигасидаги ўйини ҳақида гапирди.
“Манчестер Юнайтед”нинг собиқ футболчиси Уэйн Руни Чемпионлар лигаси ярим финалида “Манчестер Сити”нинг “Реал”га қарши ўйинидан умидлари билан ўртоқлашди.
“Манчестер Сити” Чемпионлар лигаси ярим финалида “Реал”ни нафақат мағлуб этади, балки уларни йўқ қилади. Албатта, хато қилишим мумкин, аммо менимча, “Сити” бошқа даражада. “Реал Мадрид” тажрибаси ва тарихи бўлган жамоани ҳеч қачон инкор эта олмайсиз, лекин мен уларнинг имкониятини юқори баҳолай олмайман. Мавсум бошидан Гвардиола “Манчестер Сити” билан якунда Европа кубогини қўлга киритишига ишонганман”, — дея Рунининг сўзларидан “Марcа” нашри иқтибос келтирди.
Эслатиб ўтамиз, жамоалар ўртасидаги илк ўйин 9 май куни бўлиб ўтади. Жавоб ўйини 17 майга белгиланган.
