“Рақибнинг умуман фарқи йўқ”
Чимаев ўзи жанг қилмоқчи бўлган спортчиларни айтди.
Асли чеченистонлик швед жангчиси Ҳамзат Чимаев навбатдаги жангни ким билан ўтказишга тайёрлигини маълум қилди.
“Мен ҳамма билан курашишга тайёрман. Рақибнинг умуман фарқи йўқ: Белал Муҳаммад, Камару Усмон, Исроил Адесаня, Леон Эдвардс, Колби Ковингтон, Роберт Уиттакер”, — деди Чимаев.
Эслатиб ўтамиз, Чимаев 2022 йил сентябрь ойида бўлиб ўтган сўнгги жангида ақшлик спортчи Кевин Ҳолланд билан тўқнашиб, уни бўғиш усули билан мағлуб этганди. 29 ёшли жангчи яқин келажакда ўрта вазн тоифасига ўтиши ва октабр ойида Абу-Дабидаги UFC мусобақасида иштирок этиши кутилмоқда.
