Серхио Бускетс 15 йиллик жамоасини тарк этишга қарор қилди
Бугун “Барселона” футболчининг клубдан кетишини расман маълум қилиши кутилмоқда.
“Барселона” ярим ҳимоячиси Серхио Бускетс жамоани тарк этишга қарор қилди. Бу ҳақда журналист Фабрицио Романо хабар бермоқда.
“Барселона” яқин орада Бускетснинг кетишини бугун клуб эълон қилиши кутилмоқда. Испаниялик ярим ҳимоячига АҚШ ва Саудия Арабистонидан таклифлар бор. Футболчининг ўзи фаолиятини Саудия клубида давом эттиришдан манфаатдор. Испаниялик футболчининг “Барселона” билан шартномаси мавсум охирида якунига етади.
Эслатиб ўтамиз, Бускетс “Барселона” тарбияланувчиси ҳисобланади. У 2008 йилдан буён клубда тўп суради ва уч марта Чемпионлар лигасида ғолиб чиққан. Серхио клубни яхши кайфиятда тарк этиши мумкин: “Барселона” Ла Лигада ғалаба қозонишга яқин турибди ва келаси дам олиш кунларидаёқ чемпионликни қўлга киритиши мумкин.
