“Реал” Кроос ва Модричнинг ўрнига ўринбосар топди
Икки футболчининг шартномалари яқинда якунига етади.
Мaдриднинг “Реал” клуби “Бавария” ярим ҳимоячиси Жошуа Киммихни ўз сафига қўшиб олмоқчи. Бу ҳақда “ТZ” нашри хабар бермоқда.
Манбага кўра, “Реал” ярим ҳимоячилари Тони Кроос ва Лука Модрич 2024 йилда “Қироллик клуби”даги фаолиятини тугатганида Киммих билан шартнома имзоламоқчи. Киммихнинг “Бавария” билан шартномаси 2025 йилгача мўлжалланган. Германиялик ярим ҳимоячининг келаси ёзда “Реал”га ўтиши кўриб чиқилмаяпти, аммо мюнхенликлар билан янги шартнома имзоланмаса, немис клуби ўз етакчисини сотиш вариантини ўрганиб чиқади.
Киммихнинг ўзи, агар унинг янги клуби Европа стандартлари бўйича юқори савиядаги ва Чемпионлар лигасида доимий давогар бўлса, “Бавария”ни тарк этиш ҳақида ўйламоқда.
