“Реал Мадрид” фақат Чемпионлар лигаси учун тайёргарлик кўради”
Агуэро Анчелотти шогирдларининг мавсумга қандай тайёргарлик кўриши ҳақида гапирди.
“Манчестер Сити” ва “Барселона” клубларининг собиқ ҳужумчиси Серхио Агуэро “Реал”нинг Чемпионлар лигаси ярим финали биринчи ўйинидаги ўйинидан ҳайратда эканлигини айтди.
“Мен Чемпионлар лигасида “Реал” билан нима бўлаётганини тушунмаяпман. Афтидан, улар фақат ушбу мусобақа учун тайёргарлик олиб боришади. Жамоанинг Ла Лигадаги ўйинига қараб: “Қандай қилиб улар шундай ўйнашади?” деб ўйлайсиз. Бу ақлдан озган нарса”, - дея Агуэронинг сўзларидан “Спорт” нашри иқтибос келтирди.
Эслатиб ўтамиз, “Реал” ва “Манчестер Сити” ўртасидаги биринчи учрашув 1:1 ҳисобида якунланганди. Жавоб ўйини 17 май куни Манчестерда бўлиб ўтади. Икки ўйинли қарама-қаршилик натижаларига кўра, жамоалардан бири 2022/2023 йилги мавсумда Чемпионлар лигаси финалига йўлланма олади.
