Ди Мария “Барселона”га ўтиши мумкин
Испания клуби чап қанот ҳимоячиси қидирмоқда.
Туриннинг “Ювентус” клуби ҳужумчиси Анхел Ди Мария ёзги трансфер ойнасида текинга “Барселона”га ўтиши мумкин. Бу ҳақда “Туттоспорт” нашри хабар бермоқда.
Манбага кўра, Ди Мария фаолиятини давом эттириш учун турли вариантларни кўриб чиқмоқда. Аргентиналик ҳужумчи ўз ватанига қайтиши ёки “Барселона”га ўтиши мумкин. Ди Мария ўтган мавсумда, “ПСЖ” билан шартномаси тугайдиган пайтда “Барселона”га ўз хизматларини таклиф қилган эди. “Кўк-анорранглилар” уни қўлга киритиш ҳақида ўйлашди, бироқ футболчининг ёши туфайли бу ғоядан воз кечишди.
“Барселона” чап қанот ҳимоячиси қидиришда давом этмоқда. Шунингдек, ҳужумчининг “ПСЖ” ҳужумчиси Лионел Месси билан ҳам яхши муносабатда эканлиги, у ҳам каталонияликлар сафига қўшилиши мумкинлиги қайд этилган.
