Хитойлик олимлар Марсда қадимий океан бўлганини исботлашди
3,7 млрд йил ичида Марс қизил сайёранинг бутун юзасини қоплаш учун етарли миқдорда сув йўқотган.
Хитой Геология фанлари университети тадқиқотчилар гуруҳи ўтмишда Марс юзасида қадимий океан мавжудлигининг бевосита далилларини топишди.
Агентлик маълумотларига кўра, профессор Сяо Лун бошчилигидаги тадқиқотчилар гуруҳи Хитойнинг “Чжужун” марсоходининг мультиспектраль камераси томонидан олинган маълумотларни таҳлил қилган. Бунинг натижасида биринчи марта "Марс юзасида денгиз чўкинди жинсларининг петрологик далиллари" топилган.
Агентликнинг таъкидлашича, тадқиқотлар илгари Марсда катта миқдордаги суюқлик белгиларини аниқлаган, бироқ бу даъволар жойида таҳлил қилинмаганлиги сабабли мунозарали бўлиб қолган.
Ердан ўтган кузатувлар шуни кўрсатдики, 3,7 миллиард йил ичида Марс қизил сайёранинг бутун юзасини 140 метрлик океан билан қоплаш учун етарли миқдорда сув йўқотган.
Баъзи олимларнинг фикрича, бу сувнинг кўп қисми космосга буғланмаган бўлиши мумкин, лекин ҳали ҳам Марснинг тубидаги саёз чуқурликда яширинган бўлиши мумкин.
