“Яратган ажойиб ҳикоямиздан жуда фахрланаман”

 

“Ливерпул” ҳужумчиси Роберто Фирмино жорий мавсум якунида инглиз клубини тарк этиш қарори ҳақида гапирди.

 

“Афсуски, давом этиш вақти келди. Бу ерда цикл тугади ва мен кетиш вақти келганини биламан. Мен бу ерда қилган ишларим, биргаликда эришганимиз ва биргаликда яратган ажойиб ҳикоямиздан жуда фахрланаман. Бу мутлақо ақл бовар қилмас эди. Биз буюк мерос қолдирдик. Мен жамоанинг тимсоли ҳисобланаманми? Бу шараф. Бу мени хурсанд қилади. "Ливерпул" афсонаси сифатида клубни тарк этасизми? Бу менга мос келади. Салоҳ ва Мане билан ёнма-ён ўйнаш мен учун шараф ва завқ эди”, — дея Фирминонинг сўзларидан “The Independent” нашри иқтибос келтирди.

 

Олдинроқ “Ливерпул” 31 ёшли бразилиялик футболчини келаси ёзда, шартномаси муддати тугагач, жамоани тарк этишини расман эълон қилганди.