«Атлетико» азалий рақибларидан футболчи сотиб олмоқчи
Клуб бу ишга жиддий киришмоқда.
«Барселона» ҳужумчиси Ансу Фати фаолиятини «Атлетико Мадрид»да давом эттириши мумкин.
«Тодофичажес» нашрининг хабарига кўра, «матрасчилар» ёзги трансфер ойнасида испаниялик футболчини қўлга киритишга ҳаракат қилади. Олдинроқ «Атлетико» «Барселона» ҳимоячиси Хорди Албага ҳам қизиқиш билдираётгани хабар қилинганди. Ансу Фати - «Барселона» тарбияланувчиси, у 9 ёшидан бери жамоа таркибида. 20 ёшли футболчи жорий мавсумда барча турнирларда 48 та ўйин ўтказиб, 7 та гол урди ва 4 та голли узатмани амалга оширди. Фатининг Каталония жамоаси билан амалдаги шартномаси 2027 йилнинг ёзига қадар тузилган.
Эслатиб ўтамиз, «Барселона» Ла Лиганинг 34-турида «Эспанёл»ни 4:2 ҳисобида мағлуб этди ва муддатидан олдин чемпионликни расмийлаштирди. Жамоа 4 йил ичида илк бор Испания чемпионига айланди.
