Мавсумда 28 та гол урган Кейн жамоасининг ўйинидан норози
У клубда ижобий ўзгаришлар бўлишини хоҳламоқда.
«Тоттенҳем» ҳужумчиси Ҳарри Кейн Англия чемпионатининг 37-туридан ўрин олган «Брентфорд»га (1:3) қарши ўйиндаги мағлубиятдан сўнг жамоада ўзгаришлар зарурлиги ҳақида гапирди.
«Мен бу мавсумда бор эътиборимни жамлаганимни ва имкон қадар жамоага ёрдам беришга ҳаракат қилганимни айтоқчиман. Қўлимдан келган нарсани қилдим. Олдинда катта танаффус бор ва яна муваффақиятли бўлишни бошлаш учун кўп нарсаларни ўзгартириш керак», — дея Кейннинг сўзларидан «Даилй Маил» нашри иқтибос келтирди.
Эслатиб ўтамиз, Кейн АПЛнинг жорий мавсумида 37 та ўйинда майдонга тушиб, 28 та гол урди ва 3 та голли узатмага муаллифлик қилган.
