«Барса» мавсум охирида Хорди Албанинг кетишини эълон қилди
Томонлар ўзаро келишувга эришишди.
«Барселона» ўзининг расмий сайтида 2022/2023 йилги мавсум якунида ҳимоячи Хорди Албани тарк этишини эълон қилди. Албанинг «Барселона» билан шартномаси яна бир мавсумга мўлжалланган эди, бироқ томонлар эрта хайрлашиш бўйича келишувга эришдилар.
«Клубимиз Хорди Албага профессионаллиги, фидойилиги шунингдек, «Барселона» оиласининг барча аъзолари билан доимий ижобий ва дўстона муносабатлари учун очиқдан-очиқ миннатдорчилик билдиради. Хордига келажакда омад тилаб қоламиз!» - деб ёзди клуб матбуот хизмати.
«Барселона» билан 11 мавсумда Алба 458 ўйин ўтказиб, 27 гол урди ва 99 голли узатмани амалга оширди. 34 ёшли ҳимоячи каталонияликлар билан 18 та соврин ютиб, 6 марта Испания чемпиони бўлди ва бир марта Чемпионлар лигасида ғолиб чиқди.
Эслатиб ўтамиз, аввалроқ «Барселона» мавсум якунида яна бир фахрий футболчи Серхио Бускетснинг кетишини эълон қилган эди.
