Олмалиқдаги ЙТҲдан 9 кун ўтиб ўқувчилардан бири шифохонада вафот этди
15 май куни Олмалиқда "Damas" икки нафар ўқувчини уриб кетганди.
Жорий йилнинг 15 май куни Тошкент вилояти Олмалиқ шаҳрида 2004 йилда туғилган ҳайдовчи С.Х. бошқарувидаги Дамас автомашинасида шаҳарнинг 21-мактаб қаршисидаги пиёдалар йўлакчасидан ўтаётган 14 ёшли икки нафар ўқувчи қизни уриб юбориб, йўл-транспорт ҳодисаси содир этгани ҳақида хабар берилганди.
Тошкент вилояти ИИБнинг маълум қилишича, бугун, 24 май куни ЙТҲ иштирокчиларидан бири, 2009 йилда туғилган М.Й. (мактаб ўқувчиси) олиб борилган тиббий муолажаларга қарамай, шифохонада вафот этди.
«Вилоят ИИББ жамоаси марҳумнинг яқинларига чуқур таъзия изҳор этиб, ҳамдардлик билдиради», — дейилади хабарда.
Эслатиб ўтамиз, мазкур ЙТҲга ҳайдовчи светофорнинг қизил чироғида ҳаракатлангани сабаб бўлган эди.
