«Реал Мадрид» президенти испан футболида ҳакамликни ислоҳ қилишга чақирди
У жамоасида ирқчилик билан боғлиқ воқеага муносабат билдирди.
«Реал Мадрид» президенти Флорентино Перес жамоа ҳужумчиси Винисиус Жуниор билан боғлиқ ирқчилик можароси ҳақида гапирди.
«Мен эълон қилмоқчиманки, «Реал Мадрид» энди бизнинг футболчиларимизга нисбатан ирқчиликка қарши воқеаларга тоқат қилмайди. Жабрланувчи ҳозир бўлаётганидек, жавобгарликка тортилмаслиги учун ҳакамлик тузилмасини ўзгартириш керак», - деди Перес.
Аввалроқ, Испания чемпионатининг 35-туридан ўрин олган «Валенция»га қарши ўйинда (0:1) Винисиус ирқчиликка асосланган ҳақоратларга учраганди. Қўшимча қиламизки, ўйин давомида Винисиус майдондан четлатилди. Бразилиялик футболчи иккинчи бўлимга қўшиб берилган вақтда «Валенция» футболчилари билан бўлган муштлашувда бевосита иштирок этди. Бу тўғридан-тўғри қизил карточка билан четлатилиши ҳужумчи учун фаолиятидаги биринчиси бўлди.
Эслатиб ўтамиз, Винисиус «Реал»да 2018 йилдан бери тўп суради. Форварднинг клуб билан шартномаси 2024 йилгача мўлжалланган.
