Бухорода имтиҳонсиз “права” олиб бермоқчи бўлган шахс ушланди
У бунинг учун фуқародан 300 АҚШ доллари талаб қилган.
Бухоро туманида ҳайдовчилик гувоҳномаси олиб беришни ваъда қилган корхона раҳбари ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Қайд этилишича, “А.В.” НТМ шўъба корхонаси раҳбари М.А. фуқаро М.Т.га ҳайдовчилик гувоҳномасини олиш учун ўтказиладиган имтиҳондан ваколатли танишлари орқали ўтказиб қўйиш эвазига 300 АҚШ долларини олган вақтида ашёвий далиллар билан қўлга тушган.
Мазкур ҳолат юзасидан Жиноят кодексининг 25, 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
