Aсенсио «Астон Вилла» билан шартнома шартларини келишиб олди
Унинг «Реал» билан шартномаси якунига етди.
Мадриднинг «Реал» клуби ярим ҳимоячиси Марко Асенсио «Астон Вилла»га ўтишга яқин турибди. Бу ҳақда журналист Николо Шира маълум қилди. Унинг сўзларига кўра, футболчи инглиз клуби билан 8 миллион евро маошли шартнома бўйича келишиб олган. Испаниялик футболчи бирмингемликлар сафига текинга ўтади, чунки унинг Мадрид клуби билан шартномаси мавсум охирида якунига етади.
27 ёшли Асенсио жорий мавсум «Реал» сафида 50 та ўйинда майдонга тушиб, 12 та гол урди ва 8 та голли узатмани амалга оширди. Умуман олганда, у «Реал Мадрид» билан 16 та совринни қўлга киритган, шу жумладан, 3 марта Чемпионлар Лигасида ғалаба қозонган. Ҳозирча Асенсио фақат Испания жамоаларида ўйнаган.
