Роналдунинг Саудияда совринсиз қолишига сабаб нима?

 

«Ал-Наср» ҳужумчиси Криштиану Роналду Саудия клубидаги совринларсиз ўтган мавсум ҳақида гапирди.

 

«Ҳар доим ҳам ҳаммаси биз хоҳлаган ёки орзу қилгандек кетавермайди. Баъзан мақсадларимизга эришиш учун сабрли, барқарор ва қатъиятли бўлишимиз керак. Баъзан мақсадларга эришиш учун вақт керак бўлади, лекин агар ишонсак, ҳаммаси амалга ошади. Мен бу мавсумда нимадир ютаман деб умид қилгандим, аммо буни уддалай олмадик. Лекин, мени ҳақиқатан ҳам кайфиятим яхши ва ишончим комилки, ҳамма нарса ўзгаради ва яхшироқ йўналишда кетади. Келинг, бунга ишонамиз ва бунинг устида ишлаймиз», - деди Роналду

 

Эслатиб ўтамиз, Роналду 2022/2023 йилги мавсумни «Манчестер Юнайтед»да бошлаган, бироқ кейинчалик мураббий ва клуб раҳбарияти билан келишмовчилик туфайли жамоани тарк этганди. Саудия Арабистони чемпионатининг сўнгги мавсумида португалиялик футболчи 16 та ўйинда иштирок этиб, 14 та гол урди ва 2 та голли узатмани амалга оширди.

 

Маълумот ўрнида: «Ал-Наср» Саудия Арабистони чемпионатида иккинчи ўринни эгаллади ва Саудия кубогидан четлаштирилди.