Серхио Рамос «ПСЖ» билан хайрлашди
У қайси клубга ўтиши номаълум.
«ПСЖ» ҳимоячиси Серхио Рамос, унинг учун «Клермон» билан ўйин парижликлар клуби либосидаги охиргиси бўлиб, жамоа билан хайрлашди.
«Эртага ҳаётимдаги бир босқич билан хайрлашадиган алоҳида кун. Хайр «ПСЖ». Қанчадан-қанча жойларда ўзингизни уйингиздагидек ҳис қилишингиз мумкинлигини билмайман, лекин шубҳасиз, «ПСЖ», мухлислар ва Париж менга худди шундай ҳис-туйғуларни берди. Икки йил давомида ҳар бир турнирда ўйнаб, бор кучимни сарфлаганимдан миннатдорман!» — деди Рамос.
Эслатиб ўтамиз, Рамос «ПСЖ»да 2021 йилдан бери ўйнаб келмоқда ва жамоага эркин агент сифатида қўшилганди. У аввал 16 йил давомида «Реал»да тўп сурган.
