«Нюкасл» клубининг эгалари Саудиянинг тўртта топ клубини сотиб олди
Мамлакатда чемпионатида клубларни хусусийлаштириш ишлари бошланмоқда.
Англиянинг «Нюкасл» клубига эгалик қилувчи Давлат инвестиция фонди (ПИФ) ўзининг расмий саҳифасида Саудия Арабистони чемпионатининг тўртта топ-клубини харид қилгани ҳақида эълон қилди. «Ал-Иттиҳод», «Ал-Аҳли», «Ал-Наср» ва «Ал-Ҳилол» жамғарма тасарруфига ўтди. Клубларнинг ҳар бири компанияга айлантирилди. Уларнинг ҳар бирида ПИФ улуши 75% ни ташкил қилади.
«Тўртта клубнинг трансфери турли тижорий имкониятларни очиб беради, жумладан, кўплаб спорт турлари бўйича сармоя, ҳамкорлик ва ҳомийликни ўз ичига олади», - деди ПИФ матбуот хизмати. «Ал-Иттиҳод» ўтган мавсумда Саудия Арабистони чемпиони бўлди. Иккинчи ва учинчи ўринларни «Ал-Наср» ва «Ал-Ҳилол» эгаллади.
