«Истанбулга мақсадимизни амалга ошириш учун борамиз»
Гвардиоланинг нияти жиддий.
«Манчестер Сити» бош мураббийи Хосеп Гвардиола «Интер»га қарши бўладиган Чемпионлар лигаси финали ҳақида фикр билдирди.
«Сити»даги фаолиятим давомида катта ўйинлар олдидан ҳаяжонланиш биз учун яхши эмаслигини англадим. Мақсадимизни амалга ошириш учун Истанбулга борамиз, яхши ўйин кўрсатиб, финалда ғалаба қозонишга ҳаракат қиламиз. Икки йил олдин бизда буни амалга ошириш имконияти бор эди, ўтган йили финалга жуда яқин қолгандик. Энди биз яна шу ердамиз ва бор кучимизни берамиз. Биз ҳафта ўрталарида Премер-лиганинг барча ўйинларига қандай ёндашсак, финалга ҳам шундай ёндашамиз», - дея Гвардиола.
Эслатиб ўтамиз, Чемпионлар лигаси финали 10 июн куни Истанбулда бўлиб ўтади.
