Моуриньо Саудия Арабистонидан фойдали таклиф олди
Бироқ, бу қайси клубдан экани номаълум.
"Рома" бош мураббийи Жозе Моуриньо Саудия Арабистони чемпионатидан жуда фойдали таклиф олди. Бу ҳақда таниқли инсайдер Николо Шира маълум қилди.
Ширанинг сўзларига кўра, Моуриньо васвасага учраган шароитга қарамай, барибир "Рома"да қолиш ниятида. Моуриньо 2021/2022-йилги мавсумдан бери “Рома”ни бошқариб келмоқда. Бу йил у жамоани Европа лигаси финалига олиб чиқди. У ерда римликлар “Севиля” билан ўйнади, аммо мағлубиятга учради.
UEFА яқинда Моуриньонинг Европа лигаси финалидаги хатти-ҳаракати юзасидан текширув бошлади. Мураббий Европа лигаси финалида хизмат қилган бош ҳакам Энтони Тейлорни ҳақорат қилганликда айбланмоқда.
