Наманганга учаётган самолёт Тошкентга фавқулодда қўнди
Шошилинч қўнишга туғруқ сабаб бўлган.
«Uzbekistan Airways» авиакомпаниясининг Москва — Наманган йўналиши бўйича HY9620 рейсини амалга ошираётган самолёти 7 июнь куни Тошкентга фавқулодда қўнди. Бортида 171 йўловчи бўлган самолёт маҳаллий вақт билан соат 14:42 да Тошкент халқаро аеропортига келиб қўнди.
Маълум қилинишича, қўнишга сабаб туғруқ бошланган ҳомиладор йўловчи бўлган. Экипаж самолётни энг яқин аеропортга қўндиришга қарор қилди.
Шундан сўнг, самолёт аеропортга қўнгач, йўловчи тез ёрдам машинасида олиб кетилган ва малакали ёрдам кўрсатиш учун тиббий муассасага ётқизилган.
