Мирзиёев Қозоғистон Президенти ва халқига таъзия йўллади
Шунингдек, Давлатимиз раҳбари ўрмон ёнғинлари оқибатида қурбон бўлганларнинг оила аъзолари ва яқинларига чуқур ҳамдардлик билдирди.
Ўзбекистон Республикаси Президенти Шавкат Мирзиёев Қозоғистоннинг Абай вилоятида содир бўлган йирик ўрмон ёнғинлари оқибатида инсонлар ҳалок бўлгани ва катта зиён кўрилгани муносабати билан Президент Қасим-Жомарт Тоқаевга ва қардош Қозоғистон халқига таъзия йўллади. Давлатимиз раҳбари қурбон бўлганларнинг оила аъзолари ва яқинларига чуқур ҳамдардлик билдирди.
Эслатиб ўтамиз, Қозоғистоннинг шарқидаги Абай областидаги ўрмон хўжалигида содир бўлган табиий ёнғин оқибатида 14 киши ҳалок бўлган. Қозоғистон Фавқулодда вазиятлар вазирлигининг хабарига кўра, ёнғин дарахтларни яшин уриши натижасида келиб чиққан.
Қозоғистоннинг Абай областида кенг кўламли ўрмон ёнғинлари рўй бермоқда. ORDA хабар беришича, натижада «Семей ўрмони» ўрмон хўжалиги қўриқхонасининг 14 нафар ишчиси ҳалок бўлган. Қозоғистон президенти Қосим-Жўмарт Тўқаев Абай вилоятида содир бўлган ёнғинда ҳалок бўлганлар хотирасига 12 июнь кунини Қозоғистонда умуммиллий мотам куни деб эълон қилди.
