Килиан Мбаппе «Реал» президентидан кечирим сўрагани ростми?

 

Бу ёзда бир нечта муҳим битимлар амалга оширилди. Лионел Месси АҚШга, Карим Бензема Саудия Арабистонига, Жуд Беллингем эса «Реал»га ўтди. Ҳозир эса ҳамма Килиан Мбаппенинг хатти-ҳаракати ва унинг келажагини муҳокама қилмоқда.

 

Юлдуз ҳужумчи «ПСЖ» раҳбариятини келаси ёзда тугайдиган шартномани узайтириш ниятида эмаслиги ҳақида малум қилди. Бу ҳақда бир қатор Европанинг етакчи нашрлари ёзишмоқда. Кейинчалик маълумотни нуфузли инсайдер Фабрицио Романо тасдиқлади. Франсуз клуби бошлиқлари футболчининг бу хатти-ҳаракатидан норози. Иккита вариант бор: ё Мбаппе янги шартнома имзолайди, ёки уни сотилшади. Пойтахт жамоаси Килианни бир йилдан кейин эркин агент сифатида қўйиб юбормоқчи эмас.

 

Мадридда мазкур вазият диққат билан кузатилмоқда. «Марcа» нашрининг хабарига кўра, «Реал» Мадрид» футболчи трансферининг имкониятларини ўрганмоқда. Испанияда Мадрид клуби молиявий томондан тайёр дейишмоқда. «Реал Мадрид» президенти Флорентино Перес трансфер бозорига жиддий маблағлар билан ҳужум қилишга тайёр, Мбаппе эса таркибни кучайтириш учун номзодлар рўйхатидан жой олган. Олдин «Реал Мадрид» Беллингем учун муносиб пул тўлаганди (Трансфермаркт маълумотларига кўра, 103 миллион евро).

 

Мадридликлар «ПСЖ» раҳбарларининг ҳаракатларидан жуда ҳам норози. Улар Килианни бошқа клубга сотиш учун барча нарсани ишга солишга тайёр деб ўйлашмоқда. Клуб 180 миллион евро эвазига футболчи билан хайрлашишга тайёр. Баъзи манбаларда парижликлар ҳужумчини «Реал»дан бошқа исталган клубга сотиши мумкинлиги ҳақида маълумот тарқатилган.

 

Журналист Алейш Женеро ҳатто Килиан бир неча ой олдин Пересдан кечирим сўраганини даъво қилмоқда. 2022 йилнинг ёзида Мбаппе «Реал»га ўтадигандек туюлганди, аммо у сўнгги дақиқада «ПСЖ» билан шартномасини узайтирди. Журналистнинг фикрича, Килиан бу қарорни ҳаётидаги энг ёмон қарор деб ҳисоблайди.

 

Дарвоқе, парижликларни Мбаппенинг бу ҳаракатлари ҳайратда қолдирди, у ўз қарори билан махсус хат йўллади. Бизни яна бир катта достон кутаётганга ўхшайди. Ва у қандай тугашини олдиндан айтиш қийин. Журналист Ману Карренонинг маълум қилишича, Париж клуби Мбаппени шу ёзда сотишни режалаштирмоқда, аммо «Реал»га эмас. Биз эса воқеалар ривожи кузатишда давом этамиз.