«ПСЖ» президенти Салоҳ билан музокара олиб бормоқда
У футболчини Мессига ўринбосар сифатида кўряпти.
«Ливерпул» ҳужумчиси Муҳаммад Салоҳ «ПСЖ»га ўтиши мумкин. «Гет Френч Фоотбалл Неwс» нашрининг «Спортс Зоне» нашрига таяниб хабар беришича, Париж клуби президенти Носир Ал-Хелайфи Марокашда 31 ёшли футболчи билан учрашган. Улар жаҳон чемпионатидан кейин фаол мулоқот қилишган. Ал-Хелайфи Салоҳни аргентиналик ҳужумчи Лионел Мессига ўринбосар сифатида кўрмоқда. Қайд этилишича, мисрликнинг трансфери бўйича келишувга эришиш қийин бўлади.
Салоҳ ўтган мавсумда «Ливерпул» таркибида 38 ўйинда майдонга тушиб, 19 гол урган ва 12 та голли узатмани амалга оширган. Инглиз клуби билан шартнома 2025 йилнинг ёзига қадар мўлжалланган. Трансфермаркт футболчининг нархини 70 миллион еврога баҳоламоқда.
