Араблар Сон Хён Минга қизиқмоқда
Футболчига йилига 30 миллион евро тўлашмоқчи.
Лондоннинг «Тоттенҳем» клубида тўп сураётган кореялик ҳужумчи Сон Хён Минга Арабистоннинг «Ал-Иттиҳод» клубидан катта таклиф тушди. «ЭСПН» нашрининг хабарига кўра, клуб футболчини тўрт мавсум давомида ўз сафига қўшиб олишга ва унга йилига 30 миллион евро тўлашга тайёр. Клуб яқинда франсиялик ҳужумчи Карим Бензема билан шартнома имзолаганди. Энди у 30 ёшли кореялик футболчининг трансфери учун «Тоттенҳем»га 60 миллион евро таклиф қилишга тайёр. Бироқ қайд этилишича, «шпорлар» футболчини сотишдан манфаатдор бўлмаслиги мумкин.
Эслатиб ўтамиз, «Ал-Иттиҳод» Сондан ташқари «Челси» ярим ҳимоячиси НъГоло Кантени ҳам мақсад қилган.
