Мбаппе: «Олтин тўп»га лойиқман»
Ҳужумчи соврин учун белгиланган мезонлар ҳақида гапирди.
Париж клуби ва Франция терма жамоаси ҳужумчиси Килиан Мбаппе 2023-йилда «Олтин тўп»ни қўлга киритиш имкониятлари ҳақида гапириб, бу соврин учун белгиланган мезонларга жавоб беришини таъкидлади.
«Индивидуал мукофот ҳақида гапириш қийин, чунки бу ҳолда сиз ўзингизни мақташингиз керак, бу кенг жамоатчиликка унчалик ёқмайди. Янги мезонларга мос келаман деб ўйлайман. Кўрайликчи. Танловни бошқалар қилади, лекин мен ҳали ҳам оптимистман», - деди Мбаппе.
Эслатиб ўтамиз, «Олтин тўп»га номзодлар 6 сентябр куни эълон қилинади. Тақдирлаш маросими 30 октябр куни бўлиб ўтади. Мукофотнинг амалдаги соҳиби - «Ал-Иттиҳод» ҳужумчиси Карим Бензема ҳисобланади.
