Левандовски 300 миллион евролик таклифни рад этди
У Европада қолмоқчи.
«Барселона» ҳужумчиси Роберт Левандовски Саудия Арабистони клубидан тушган жуда саховатли таклифни рад этди.
Журналист Николо Ширанинг хабар беришича, ҳужумчига йилига 100 миллион евро маошли 3 йиллик шартнома таклиф қилинган, бироқ футболчи «Барселона»да қолиб, фаолиятини Европада давом эттиришга қарор қилган.
Ла Лиганинг 2022/2023 йилги мавсумида Левандовски 34 та ўйинда майдонга тушиб, 23 та гол урди ва 7 та голли узатмани амални оширди. Бунгача полшалик ҳужумчи «Бавария»да 8 йил ўйнаган. Роберт яна тўрт мавсум давомида Германия Бундеслигасида Дортмунднинг «Боруссия» клубида тўп сурган.
