Россиядаги тартибсизликлар мева нархларини пасайишига сабаб бўлди
Яқин келажакда мева-сабзавот маҳсулотларининг улгуржи нархлари Ўзбекистонда ҳам пасайишни бошлаши кутилмоқда.
Россияда 24 июнь куни юз берган тартибсизликлар Туркия, Эрон ва минтақанинг бошқа мамлакатларида мева нархини пасайтирди. EastFruit таҳлилчиларининг фикрига кўра, Россияда 24 июнь куни содир бўлган воқеалар минтақанинг кўплаб мамлакатларида мева нархининг пасайишига олиб келди.
«Россия рублининг кескин қадрсизланиши ва йўлларнинг тўсилиши мавсумий меваларни асосий бозорга етказиб беришни имконсиз қилди. Натижада бугун Грузия, Арманистон, Озарбайжон, Эрон ва Туркияда шафтоли ва нектарин нархи кескин тушиб кетди. Том маънода бир кунда бу меваларнинг нархи деярли икки баравар арзонлашди. Нархларнинг пасайиш тенденцияси давом этмоқда», - дейди ФАО халқаро маслаҳатчиси Федор Рйбалко.
Экспертларнинг фикрича, яқин келажакда мева-сабзавот маҳсулотларининг улгуржи нархлари Марказий Осиё мамлакатларида: Ўзбекистон, Қозоғистон ва Тожикистонда ҳам кескин пасайишни бошлаши кутилмоқда.
Шунингдек, Россия бозорида мева нархининг тез ўсиши аллақачон қайд этилган, чунки импорт қилинган меваларни тўлаш учун импортчилар янги курс бўйича хорижий валютани сотиб олишлари керак ва меваларнинг ўзи талабни қондириш учун этарли эмас. Сабаби тартибсизликлар оқибатида етказиб беришда муаммолар юзага келган.
