«Ливерпул» вазиятдан фойдаланмоқчи
«ПСЖ» клубдан Мбаппе бўйича таклиф олди.
«Ливерпул» «ПСЖ» ҳужумчиси Килиан Мбаппега қизиқиш билдирмоқда. Журналист Эду Агирренинг футболчига яқин манбаларига таянган ҳолда хабар беришича, «ПСЖ» Мбаппени трансфер қилиш учун «Ливерпул»дан 200 миллион евролик таклиф олган. Қайд этилишича, инглиз клуби музокараларда тезкорлик билан ҳаракат қилмоқда.
Эслатиб ўтамиз, Мбаппе 2024/2025 йилги мавсум учун «ПСЖ» билан шартномани автоматик равишда узайтириш вариантидан воз кечгани ва 2024 йилнинг ёзида у эркин агентга айланиши мумкинлиги маълум бўлганди. ОАВ хабарига кўра, ҳужумчи ёзги трансфер ойнасида «Реал»га ўтмоқчи. 24 ёшли форвард жорий мавсумда парижликлар сафида 34 та ўйинда майдонга тушиб, 29 та гол урди ва 5 та голли узатмани амалга оширди.
