Алексис Санчес «Манчестер Юнайтед»нинг Глейзерлар қўл остидаги энг ёмон трансфери

Ди Мария иккинчи, Лукаку эса учинчи ўринда.

«Goal» нашри Глейзерлар қўл остида «Манчестер Юнайтед»нинг трансфердаги муваффақиятсизликларини баҳолади.

Глейзерлар оиласи 2005 йилдан бери «Манчестер Юнайтед»га эгалик қилади. Улар клубга келганидан бери трансферлар учун тахминан 2 миллиард фунт сарфланган. Харажатлар бўйича рекорд 2022 йилнинг ёзида бўлган.

Нашрга кўра, «Манчестер Юнайтед»нинг Глейзерлар қўл остидаги энг катта трансфер муваффақияцизлиги 2018 йилда «Арсенал»дан Алексис Санчеснинг трансфери ҳисобланади. 2-ўринни 2014 йилда «Реал»дан Анхел Ди Мария , 3-ўринни 2017 йилда «Эвертон»дан «Манчестер Юнайтед»га ўтган Ромелу Лукаку эгаллади.

«Goal» нашри талқинига кўра, Глейзерс қўл остида «Манчестер Юнайтед»нинг энг муваффақиятсиз трансферлари:

Алексис Санчес ( 2018 йилда Генрих Мхитарян эвазига «Арсенал» дан шартнома имзолаган);
Анхел Ди Мария ( 2014 йилда «Реал»дан 60 миллион фунт стерлингга);
Ромелу Лукаку (2017 йилда «Эвертон»дан 75 миллион фунт стерлингга);
Пол Погба («Ювентус»дан 2016 йилда 89 миллион фунт стерлингга);
Жейдон Санчо (2021 йилда Дортмунднинг «Боруссия»сидан 73 миллион фунт стерлингга);
Гарри Магуайр (2019 йилда 80 миллион фунт эвазига «Лестер»дан);
Мемфис Депай (2015 йилда «ПСВ»дан 31 миллион фунт стерлингга);
Радамел Фалкао («Монако»дан 16 миллион фунт стерлингга ижарага - маошни ҳисобга олган ҳолда - 2014/15 йилларда);
Уилфрид Заха (2013 йилда 15 миллион фунт стерлингга «Кристал Пелас»дан);
Донни ван де Бек (2020 йилда «Аякс»дан 35 миллион фунт стерлингга);
Бебе (2010-йилда 7 миллион фунтга «Витория Гимарасдан»);
Морган Шнайдерлин (2015 йилда «Саутгемптон»дан 30 миллион фунтга);
Виктор Валдес (2015 йилда «Барселона» билан шартномасини якунлаганидан кейин);
Габриел Обертан (2009 йилда 3 миллион фунтга «Бордо»дан);
Оуен Харгривз (2007 йилда «Бавария»дан 17 миллион фунт стерлингга);
Генрих Мхитарян (2016 йилда Дортмунднинг «Боруссия»сидан 26 миллион фунт стерлингга);
Андерсон (2007 йилда 26 миллион фунтга «Порту»дан).