«Тоттенҳем» Кейнни олиб қолиш учун жиддий ҳаракат қиляпти
Клуб унинг маошини кескин кўтармоқчи.
«Тоттенҳем» Ҳарри Кейнни сақлаб қолиш учун унга клубдаги обрўсини янада ошириши мумкин.
29 ёшли ҳужумчининг трансферига «Бавария» ва «ПСЖ» клублари қизиқиш билдирмоқда. Футболчининг «шпорлар» билан шартномаси 2024 йилгача амал қилади.
«Тоттенхем» раҳбари Даниел Леви ҳужумчини сотмоқчи эмас ва унинг учун 120 миллион фунт стерлинг нарх белгилаган. Бундан ташқари, лондонликлар раҳбарияти Кейн билан шартномани узайтириш ниятида.
Футболчини янги шартнома имзолашга кўндириш учун «Тоттенҳем» унга фаолиятини якунлагандан сўнг клубдаги янги лавозимини таклиф қилиши мумкин. Ҳаррининг маоши ҳафтасига 400 минг фунт стерлингдан ошиши мумкин, аммо молиявий омиллар унинг қарорида асосий омил бўлмайди деб ёзади «Даилй Маил» нашри.
Ўтган мавсумда Кейн АПЛда 38 та ўйинда майдонга тушиб, 30 та гол урган ва 3 та голли узатмага муаллифлик қилган.
