Жанубий Кореядаги тошқин қурбонлари сони яна ошди
Аввалроқ, ҳалок бўлганлар 37 нафарга етгани эълон қилинганди.
Жанубий Кореяда ёмғир оқибатида кўчки ва сув тошқини қурбонлари сони 49 кишига етгани маълум қилинди. Бу ҳақда Yonhap агентлиги хабар бермоқда.
«Жабрланганлар сони ортиши мумкин», — дейилади хабарда.
Қайд этилишича, айни дамда қутқарувчилар ўндан ортиқ автомобилни сув остида қолиши кутилаётган ер ости туннелини қуритиш бўйича операцияни олиб бормоқда.
Қўшимча қилинишича, бутун мамлакат бўйлаб 10 570 киши ёмғир туфайли эвакуация қилган.
Ёмғирлар, шунингдек, 628 та давлат объекти ва 317 та бошқа хусусий мулкка зарар етказган. Жумладан, 146 та йўл вайрон бўлган ёки ўпирилиб кетган ва 139 та уй сув остида қолган.
Кучли ёмғирлар натижасида бутун мамлакат бўйлаб жами 28 607 хонадон электр таъминотидан маҳрум бўлди. Расмийлар бугундан бошлаб ушбу уй хўжаликларининг кўпчилигида электр қуввати қайта ишлай бошлашини айтмоқдади.
Аввалроқ, қурбонлар сони 37 нафарга етгани эълон қилинганди.
