Абдуқодир Ҳусанов Франциянинг «Ланс» клубига ўтди
Франция клуби билан тўрт йиллик шартнома имзолаган футболчи майдонга 25 рақам остида тушади.
Ўзбекистон миллий терма жамоаси ҳимоячиси Абдуқодир Ҳусанов расман Франциянинг "Ланс" клубига ўтди.
Абдуқодир Ҳусанов Франция жамоаси таркибида тўп сурган биринчи ўзбекистонлик футболчи бўлади. Истиқболли футболчи Франция клуби билан 4 йиллик шартнома имзолаган. Абдуқодир Франция жамоасида 25 рақам остида майдонга тушади.
"Ленс" клуби, расмий номи - Racing Club De Lens, — Франциянинг Ленс шаҳрида жойлашган футбол клуби. У 1906 йилда ташкил этилган. Кулубнинг уй учрашувларини 38 000 томошабинга мўлжалланган Боллар-Делелис стадионида ўтказилади.
"Ленс" клуби 1-лигада ўйнайди ва ўтган йилни муваффақиятли якунлаган — Франция чемпионатида иккинчи ўрин. Бу йил Европа Чемпионлар Лигасининг гуруҳ босқичига йўлланма олган. Хуллас, истиқболли клуб.
Айни дамда Ленс клубининг расмий саҳифасида Абдуқодирнинг клубга ўтишига бағишланган катта мақола чоп этилган. Унда ёш футболчи забардаст ва ниҳоятда истиқболли экани қайд этилган.
Хусусан 2023 йилда CIES Football Observatory томонидан эълон қилинган энг истиқболли марказий ҳимоячилар рейтингида Абдуқодир жаҳонда 15 ўринда экани айтиб ўтилган.
