АҚШда Месси учун стадион қуриляптими?
Арена учун 1 миллиард доллар ажратилган.
«Интер Маями» 2025 йилда очиладиган янги «Mayami Freedom Park» стадионини қурмоқда.
Маями аэропорти яқинида 25 минг ўринли арена пайдо бўлади. Жамоа ҳозирда шаҳар марказидан 50 километр узоқликдаги Форт-Лодердейлда жойлашган 21 000 ўриндиқли «Drive Pink» стадионида ўйнамоқда.
«Mayami Freedom Park» нафақат стадион, балки замонавий технологик марказ бўлади. Яқин атрофда деярли 235 минг м² майдонга эга жамоат парки қурилади. Бу шаҳар аҳолиси учун спорт ва кўнгилочар масканларга эга Маямидаги энг йирик дам олиш жойи бўлади. Стадион мажмуанинг 10% дан камроқ қисмини эгаллайди.
Арена собиқ гольф клуби жойлашган ҳудудда пайдо бўлади. «Интер Маями» стадион қурилишига рухсат олиш учун узоқ вақт кутишига тўғри келди.
«Тўрт йил ичида биз Қўшма Штатларда футболга бўлган қарашларни ўзгартирдик», - дейди «Интер Маями» эгаси Хорхе Мас. «Маями Озодлик Парки»ни яратиш орқали биз спорт иншоотлари қандай бўлиши мумкинлиги ҳақида янги стандарт ўрнатамиз. Стадион ёнида 750 ўринли учта меҳмонхона, офислар, дўконлар ва ресторанлар қурилади. Шунингдек, кўнгилочар ҳамда диққатга сазовор жойлар пайдо бўлади».
Янги арена ва ободонлаштириш ишлари тахминан 1 миллиард долларга тушади. Қурилиш хусусий ташкилотлар ҳисобидан молиялаштирилади.
Ҳозирги кунда қурилиш ишлари олиб борилмоқда. Расмий пойдевор қўйиш маросими яқин кунларда бўлиб ўтади.
