Алонсо «Бавария»ни бошқариши мумкин
Клуб раҳбарияти унга ишонч билдирмоқда.
«Байер» бош мураббийи Хаби Алонсо Томас Тухелни «Бавария»ни тарк этса, мураббийликка биринчи номзод бўлади. Бу ҳақда Германиянинг «Билд» нашри хабар бермоқда.
Манбага кўра, «Бавария» раҳбарияти Алонсонинг ашаддий мухлиси ҳисобланади. «Бавария» бошқаруви раиси Карл-Хайнтс Румменигге 41 ёшли мураббий ҳақида ижобий гапирмоқда.
Шунингдек, клуб раҳбарияти ҳимоячи Ёсип Станишични «Байер»га ижара асосида ўтиши имкон берди, чунки улар футболчининг топ футболчи бўлиб етишишига ёрдам берадиган Алонсога тўлиқ ишонишади.
Алонсо «Байер»ни 2022 йилнинг октябрь ойидан бери бошқариб келмоқда. Ўтган мавсумда унинг қўл остидаги жамоа 50 очко билан 6-ўринни эгаллади. Испаниялик мутахассиснинг клуб билан шартномаси 2026 йилнинг ёзига қадар мўлжалланган.
