«Олтин тўп»ни ким қўлга киритишини жуда яхши биламиз»
Мартинес Мессининг имконияти ҳақида гапирди.
«Aстон Вилла» ва Аргентина терма жамоаси дарвозабони Эмилиано Мартинес «Интер Маями» ҳужумчиси Лионел Месси 2023 йилги «Олтин тўп»ни қўлга киритишини айтди.
«Олтин тўпни ким қўлга киритишини жуда яхши биламиз – бу дўстим Месси. Мен эса номзод сифатида кўрсатилганимдан фахрланаман», - деди Мартинес.
Аввалроқ Месси «Олтин тўп-2023»га номзод бўлгани хабар қилинганди. Аргентиналик футболчи фаолияти давомида етти марта «Олтин тўп»ни қўлга киритган ва бу кўрсаткич бўйича рекордчи ҳисобланади. Мартинес энг яхши дарвозабонга бериладиган Лев Яшин кубоги учун давогарлар рўйхатидан жой олган. «Олтин тўп»ни топшириш маросими 30 октябрь куни бўлиб ўтади.
Эслатиб ўтамиз, Месси ва Мартинес Аргентина терма жамоаси таркибида жаҳон чемпионлигини қўлга киритган.
