«Беллингем шу клубда ўйнаш учун туғилган»
Начо жамоадоши ҳақида гапирди.
Мадриднинг «Реал» клуби ҳимоячиси Начо Фернандес Чемпионлар лигаси гуруҳ босқичи 1-турида «Унион»га қарши ўйинда жамоасининг ғалабаси ҳақида фикр билдирди.
«Учрашув натижасини анча олдинроқ ҳал қилишимиз керак эди. Беллингем шу клубда ўйнаш учун туғилган. Умид қиламизки, у шундай лаҳзаларни яратишда давом этади», - деди Начо.
Кечаги ўйинда «Реал» устунлик қилди, 75% тўпга эгалик қилди ва немис клуби дарвозасига 32 та зарба йўллади. Аммо Мадридликлар фақат қўшимча бўлимларда Жуде Беллингемнинг голи эвазига ғалаба қозонди.
Мадрид клуби сафида ўтказган дастлабки олтита ўйинида Беллингем олти марта гол урди ва битта голли узатмани амалга оширди.
