Эрлинг Ҳоланд Килиан Мбаппенинг ўрнини эгаллаши мумкин
Парижликлар Ҳоланднинг агенти билан боғланган.
«Манчестер Сити» ҳужумчиси Эрлинг Холанд фаолиятини «ПСЖ»да давом эттириши мумкин. Хабарларга кўра, парижликлар раҳбарияти жамоа ҳужумчиси Килиан Мбаппени шартномани узайтиришга кўндира олмаса, Ҳоланд трансферини ўз зиммасига олади. Қайд этилишича, «ПСЖ» футболчининг режалари ҳақида билиш учун 23 ёшли норвегиялик футболчининг агенти билан боғланиб улгурган.
Эрлинг Ҳоланд «Манчестер Сити»да 2022 йилдан буён ўйнаб келмоқда. Футболчининг клуб билан шартномаси 2027 йилгача мўлжалланган. Ўтган мавсумда Ҳоланд барча мусобақаларда 53 та ўйинда қатнашиб, 52 та гол урди ва 9 та голли узатмани амалга оширди.
