Бекхем Модрични АҚШга таклиф қилмоқчи
Футболчи «Реал»ни тарк этишга яқин турибди.
Мадриднинг «Реал» клуби ярим ҳимоячиси Лука Модрич яқин вақт ичида жамоани тарк этиши мумкин.
Журналист Флориан Плеттенбергнинг ижтимоий тармоқларда ёзишича, хорватиялик футболчига «Интер Маями» қизиқмоқда. Қайд этилишича, Модрич «Реал»ни тарк этишга яқин турибди, бироқ айни дамда у бор этиборини Мадрид жамоасида ўйнашга қаратган, чунки футболчи яна асосий жамоа футболчисига айланишни истамоқда.
Эслатиб ўтамиз, Лука Модрич 2012 йилнинг ёзида Лондоннинг «Тоттенҳем» клубидан «Реал»га ўтган эди. Бу вақт ичида хорватиялик футболчи 495 та жамоавий ўйинда қатнашиб, 37 та гол урди ва 77 та голли узатмани амалга оширган.
