"Барселона" ўз ўйинларининг телевиденияда ёритилишидан норози
Шу сабабли, клуб телевидения вакиллари билан мулоқотни тўхтатиши мумкин.
"Барселона" раҳбарияти ўз ўйинларининг телевидение орқали намойиш этилишидан норози.
Манбанинг хабарига кўра, Каталония клуби уларга нисбатан ҳурматсизлик қилинмоқда, деб ҳисобламоқда. Хусусан, клуб бош мураббийи Хави ҳақида бир неча бор салбий фикрлар билдирилганидан норози.
Шунингдек, трансляциялар вақтида Хави кўпинча ҳакамликдан шикоят қилган пайтда кўрсатилади. Шу билан бирга, бошқа клублар мураббийларининг шунга ўхшаш эпизодлари деярли ёритилмайди.
Шу муносабат билан "Барселона" норозилик сифатида ўйинлардаги танаффус вақтида телевидения вакиллари билан мулоқотни тўхтатиши мумкин.
Эслатиб ўтамиз, Испания чемпионатининг тўққиз туридан сўнг "Барселона" 21 очко билан турнир жадвалида учинчи ўринни эгаллаб турибди.
