Марселино "Севиля" бош мураббийи бўлишдан бош тортди
Клуб мураббий билан келишолмаган.
"Марсел"нинг собиқ устози Марселино Торал "Севиля" раҳбариятининг жамоага янги бош мураббий бўлиш таклифини рад этди.
Манба берган хабарга кўра, аввалроқ испан клуби раҳбарияти ва 58 ёшли мутахассис ўртасида учрашув бўлиб ўтган, бироқ томонлар шартнома шартлари бўйича бир тўхтамга кела олмаган. Ҳозирда "Севиля" жамоасига янги мураббий излашда давом этмоқда.
Эслатиб ўтамиз, Марселино сентябрь ойида шу йилнинг июнь ойида қабул қилган "Марсел" бош мураббийи лавозимини тарк этганди.
Испания чемпионатининг саккиз туридан сўнг «Севиля» саккиз очко жамғариб, ҳозирда турнир жадвалида 16-ўринни эгаллаб турибди.
