Мбаппега нима бўляпти?

 

«ПСЖ» Франция чемпионатининг сўнгги турида меҳмонда «Ренн»ни мағлуб этди (3:1). Витиня, Ҳакими ва Коло-Муани гол уришди. Мбаппе ҳам улар орасида бўлиши мумкин эди, аммо Килиан тушунарсиз тарзда ҳаракат қилди.

 

Парижлик тўпурари дарвозабон билан яккама-якка чиқиди бироқ вазиятдан фойдалана олмади.

 

Мбаппе кетма-кет тўртта ўйинда гол ура олмаяпти. «Ренн»га қадар у «Нюкасл», «Клермон» ва «Марсел»га қарши ўйинларда голларга муаллифлик қилмади. Бу 2021 йилнинг кузидан бери энг қуруқ церийа. Ўшанда ҳужумчи олти ўйинда гол ура олмаган. Cерия бир ой давом этиб, «Брюгге», «Лион», «Метс», «Монпеллиер», «Ман Ситй» ва «Ренн» билан ўйинларда давом этган.

 

«ПСЖ» бош мураббийи Луис Энрике «Ренн» билан ўтадиган ўйинда Килианга далда берди.

 

«Эсимда, икки-уч ҳафта олдин, худди шу хонада кўпчилик мендан Килианнинг ўйини сизнинг тактикангиз таъсир қиладими деб сўрашганди. Чунки, у етти ёки саккизта гол урди. Энди сиз мендан Килиан нима қилиши кераклигини сўраяпсиз, чунки у охирги ўйинларда гол ура олмаяпти. Биз бу борада нормалроқ бўлишимиз керак. У ҳаммасига 100% тайёр. Ўйинчилар мавсум давомида турли ҳолатлардан ўтишади. У саккизта гол урганида суперменга айланмайди, гол урмаса ҳам ўртача футболчи бўлиб қолмайди. Килиан биз учун муҳим ва ҳал қилувчи футболчи. Мураббий сифатида менинг мақсадим - унинг кучли томонларини намойиш этиш ва унинг заиф томонларини ёпиш», - деди Энрике.