Мавсум бошидан "қоқилишни" бошлаган топ клублар
Уларнинг муваффақиятсизлигига нима сабаб бўлмоқда?
"Челси" трансферлар учун ярим миллиард евро сарфлаган бўлсада, чемпионатда қийналмоқда. "Рома" ва “Манчестер Юнайтед” эса турнир жадвалининг ўртасида қолиб кетишган.
Европада олий лигалар қизғин паллада. Биринчи тахминлар аллақачон шаклланиб улгурган. Масалан, Испанияда "Жирона" юқори ўринда, Францияда "Брест" яхши ўйин кўрсатмоқда, Германияда эса "Штутгарт" кутилмаганда юқори ўринда бормоқда. Аммо биз кутган жамоалар кутилган натижани қайд этмаяпти. “Манчестер Юнайтед” мавсумни кучли тўртликка даъвогар жамоалардан бири сифатида бошлади. Ўтган чемпионатда Эрик тен Хаг шогирдлари учинчи ўринни эгаллаб, Чемпионлар лигасига йўл олди. Энди голландиялик мураббийдан бундан кам ютуқлар кутилмасди. Ёзда "Юнайтед" 206 миллион еврога харидлар амалга оширди. Аммо мавсум бошланиши мухлисларнинг иштиёқини совутди. Жамоа ғалабаларни мағлубият билан алмаштирди: тўртта ғалаба ва тўртта мағлубият. "Юнайтед" умидларни пучга чиқарди. Умуман олганда, "Манчестер Юнейтед" АПЛда 10-ўринда тургани жамоанинг омади. Чемпионлар лигаси гуруҳ босқичининг икки туридан сўнг жамоа 0 очко жамғаргани янада ачинарли.
"Челси" ҳар ой тобора кўпроқ мемларга сабаб бўлиб бормоқда. Биргина 2023 йилнинг ёзида лондонликлар таркибни кучайтириш учун 462 миллион евро сарфлашди. Аммо таъсир ҳали ҳам минимал. "Челси" ўтган мавсумни 12-ўринда якунлаган бўлса, ҳозирда 11-ўринда. Саккиз турдан кейин Маурисио Почеттино шогирдлари атиги 11 очко тўплашди. Сўнгги учрашувларда вазият яхшилана бошлади. Иккита ғалаба қозонилди. «Челси»нинг муаммолари жамоавий ишнинг ёмонлиги ва кўп сонли жароҳатлар билан боғлиқ. Клуб Чемпионлар лигасида ғолиб чиққан футболчилар билан хайрлашди ва уларнинг ўрнини ёш ва тажрибасиз ўйинчилар эгаллади.
"Севиля" ўтган мавсумда Ла Лиганинг энг қуйи поғоналаридан жой олганди. Натижада, андалусияликлар 2022/2023 йилги чемпионатни 12-ўринда якунлади. Аммо, шундай бўлишига қарамай клуб Европа Лигасини қўлга киритди. "Севиля" янги мавсумни Чемпионлар лигасида ва Ла Лигада катта умидлар билан бошлади. Аммо яна муваффақиятсизлик бошланмоқда. "Севиля" 16-ўринни эгаллаб турибди. Андалусияликлар яқинда бош мураббий Хосе Луис Мендилибарни истефога чиқарди. Мавсум охиригача "Севиля"ни Диего Алонсо бошқаради. У вазиятни тузатадими? Буни эса вақт кўрсатади.
Ўтган мавсум А Cериянинг иккинчи жамоаси ёзда ўзининг етакчиларидан бири Сергей Милинкович-Савичдан айрилди. Айтганча, сербнинг ўрнини Арсен Захарян эгаллаши мумкин эди. Аммо якунда япониялик Даичи Камада эркин агент сифатида жамоага қабул қилинди. "Лацио" шунингдек, ҳужумчи Валентин Кастеланос, ярим ҳимоячи Маттео Гендузи билан шартнома имзолади. Аммо, мақсадли кучайтириш ҳали Маурицио Саррига унчалик ёрдам бермади. "Лацио" саккиз турдан кейин 13-ўринда бормоқда. Мураббийнинг клубдаги мавқеи аллақачон пасайган. Римликлар ўтган мавсумда уларни Чемпионлар лигасига олиб чиққан футбол кўрсатишмаяпти. Умуман олганда, муаммолар етарли. Лекин, ҳеч бўлмаганда еврокубокларда ҳаммаси ёмон эмас, Чемпионлар лигасининг икки туридан кейин клуб тўрт очко жамғарган.
Ёзда Жозе Моуриньо жамоаси ажойиб трансфер кампаниясини амалга оширди. Жами 10 миллион евродан камроқ пул эвазига клубга Ромелу Лукаку (5,8 миллион еврога ижара), Леандро Паредес (2,5 миллион евро), Ренату Санчес (ижара, 1 миллион евро), Эван НЪДика, Хуссем Ауар қўшилди. Аммо жамоанинг ишлари яхши кетмаяпти. Римликлар 8 турдан кейин 11 очко билан А Cерияда 10-ўринда бормоқда. Моуриньо тажрибалар ўтказмоқда, баъзида ҳатто ноанъанавий босимни қўллаяпти. Жозе римликларнинг натижаларини барқарорлаштириш вариантларини қидирмоқда. Буни тузатиш учун ҳали вақт бор.
"Вилярреал" янги мавсумни бош мураббий Кике Сетен билан бошлади. Ўтган чемпионатни жамоа бешинчи ўринда якунлаганди. Бу йил "сариқ сув ости кемаси" Чемпионлар лигаси учун курашади. Аммо бошиданоқ нимадир нотўғри кетди. Дастлабки тўртта турда "Вилярреал" учта мағлубият аламини тотиб кўрди ва сентябрь ойи бошида Сетен истеъфога чиқарилди.
