"Биз бу йўналишда етарлича ҳаракат қилмаган эдик"
Магуайр нима учун "Вест Хем"га ўтмаганини тушунтирди.
"Манчестер Юнайтед" ҳимоячиси Гарри Магуайр "Вест Хем"га амалга ошмай қолган трансфер ҳақидаги саволга жавоб берди.
"Вест Хемга ўтиш на мен билан, на клублар ўртасида келишиб олинмаган. Жамоага ўтиш имконияти йўқ эди, чунки биз бу йўналишда етарлича ҳаракат қилмаган эдик. "Вест Хем катта клуб, аммо мен ҳали ҳам бор эътиборимни "Манчестер Юнайтед"га қаратганман. Мен асосий таркиб учун курашмоқчиман", - деди Магуайр.
Жорий мавсумда англиялик ҳимоячи “Манчестер Юнайтед” сафида барча турнирларда тўртта ўйин ўтказиб, битта голли узатмани амалга оширди. Футболчининг “қизил иблислар” билан шартномаси 2025 йилнинг июнь ойи охиригача амал қилади.
